Վահե Հակոբյանը՝ պղնձամոլիբդենային կոմբինատի բաժնետոմսերի մասին

ԱԺ «Հայաստան» խմբակցության պատգամավոր Վահե Հակոբյանի խոսքով՝  Զանգեզուրի պղնձամոլիբդենային կոմբինատի բաժնետոմսերի մի մասը Կառավարության անձնակազմի տնօրինության տակ անցնելն անհասկանալի գործարք էր:

«Շատ մարդիկ կան, որոնց համար անհասկանալի է, թե ինչու կատարվեց այս գործարքը: Դեռ շատ բաներ կան պարզելու հարցի հետ կապված, դրա համար հարցի շուրջ այդքան չեմ կարող տարածվել: Երբ ամեն ինչ պարզվի ու հասկանանք, թե ինչ նպատակ էր այս ամենը հետապնդում, այդ ժամանակ կխոսեմ, այժմ չեմ կարող փակագծեր բացել, բայց խոստանում եմ, մոտ ապագայում այդ մասին կխոսենք: Ինձ մոտ կա հստակ տպավորություն, որ նույն այս կառավարությունը, մեղմ ասած, բոլորին գցել է թյուրիմացության մեջ»,- խորհրդարանում լրագրողների հետ ճեպազրույցում ասաց Վահե Հակոբյանը:

Ըստ նրա, երևի մարդիկ լավ պատկերացում չունեն, թե ինչպես է Փակ  բաժնետիրական ընկերության բաժնետոմսերը փոխանցվում: Հետևաբար, թե այստեղ ինչ հետապնդում է իրականացվում, Վահե Հակոբյանն ընդգծեց, որ շուտով կիմանան:

«Այդ բաժնեմասերը կառավարում է Կառավարության աշխատակազմը, դա ինչո՞վ է ժողովրդինը, ինչո՞վ»,- հավելեց Վահե Հակոբյանը:

Ինչ վերաբերում է պղնձամոլիբդենային կոմբինատի աշխատակիցներին, Վահե Հակոբյանն ասաց, որ ազատվել են այն մարդիկ, որոնք այնտեղ իրենց մասնագիտական գործունեությունն էին իրականացնում: