Քոչարյանը՝ Ռուսաստանի հետ միութենական պետություն ստեղծելու մասին

Այն, ինչ տեսնում եմ հիմա, հարցեր է առաջացնում՝ իրո՞ք այս տեմպերով բավարար պետականաշինության ռեսուրս ունենք Հայաստանում։ Հիմա պատրաստ չեմ այդ հարցին պատասխանել։ Մամուլի ասուլիսի ժամանակ ասաց ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը՝ անդրադառնալով հարցին՝ արդյոք Ռուսաստանի հետ միութենական պետություն ստեղծելու տարբերակը քննարկման ենթակա է, թե ոչ։

«Պետք է հասկանանք՝ մեր անկախությունն ինչքանով է վտանգված հիմա և ինչ հեռանկարներ կան։ Վերլուծության կարիք կա։ Հիմա պատրաստ չեմ այդ հարցին միանշանակ պատասխան տալ»,-ասաց Ռոբերտ Քոչարյանը։

Նա նշեց, որ անվտանգության տեսանկյունից գուցե մենք ավելի մեծ միավորում տեղավորվելու կարիք ունենք։ Ռոբերտ Քոչարյանի խոսքով ՀԱՊԿ-ը ոչ թե մեզ չպաշտպանեց, այլ Ադրբեջանը ՀԱՊԿ-ի բոլոր անդամների հետ ավելի լավ հարաբերություններ ունի, քան Հայաստանի հետ։