Սաակաշվիլին հացադուլ է հայտարարել
Վրաստանի նախկին նախագահ Միխեիլ Սաակաշվիլին բանտում հացադուլ է հայտարարել: Այս մասին հայտարարել է Վրաստանի մարդու իրավունքների պաշտպան Նինո Լոմջարիան, գրում է dw.com-ը:
Ինչպես պարզաբանել է Վրաստանի օմբուդսմենը, Սաակաշվիլին իր դեմ ներկայացված մեղադրանքները համարում է քաղաքական դրդապատճառներ պարունակող, իսկ իրեն`քաղբանտարկյալ: Լոմջարիան նաև ասել է, որ Սաակաշվիլին, որպես Ուկրաինայի քաղաքացի, հանդիպում է ցանկանում այս երկրի հյուպատոսի հետ:
