Միխեիլ Սաակաշվիլին հայտարարել է, որ նոր կին ունի
Վրաստանի նախկին նախագահ Միխեիլ Սաակաշվիլին ֆեյսբուքյան իր տեսաուղերձում հայտարարել է իր նոր կնոջ մասին: Այս մասին հայտնում է lenta.ru-ն:
Խոսքը Ուկրաինայի պատգամավոր Ելիզավետա Յասկոյի մասին է: Ինչպես տեսանյութում պարզաբանել է քաղաքական գործիչը, ինքն ու աղջիկը ցանկանում են ընտանիք կազմել: «Ես և Լիզան որոշեցինք հայտարարել, որ մենք միասին ենք, մենք սկսում ենք նոր կյանք, նոր ընտանիք»:
Մինչ այդ Սաակաշվիլին ամուսնացած էր Հոլանդիայի քաղաքացի Սանդրա Ռուլովսի հետ, որը Կարմիր Խաչի նախկին աշխատակից է:Նրանք ունեն երկու որդի ՝ 1995 թվականին ծնված Էդվարդը և 2005 թվականին ծնված Նիկոլոզը:Ավելի վաղ Սաակաշվիլին սոցիալական ցանցերում հայտնել էր, որ վերադարձել է Վրաստան, և հրապարակել է տեսաուղերձ, որը, ըստ նրա, նկարահանվել է Բաթումում, իսկ հոկտեմբերի 1-ին վերջինս ձերբակալվել էր:
