Վրաստանի վարչապետ Բաքվում է. հայտնի է այցի օրակարգը
Վրաստանի վարչապետ Իրակլի Ղարիբաշվիլին մեկօրյա այցով արդեն ժամանել է Ադրբեջանի մայրաքաղաք Բաքու։ Այս մասին հայտնում է Trend լրատվական գործակալությունը։
Ինչպես արդեն ավելի վաղ հաղորդվել էր, այսօր Վրաստանի վարչապետ Իրակլի Ղարիբաշվիլին մեկօրյա այց կկատարի Ադրբեջան։ Այս մասին հայտարարել էր Վրաստանի վարչապետի աշխատակազմի մամուլի ծառայությունը։ Այսօր արդեն հրապարակվել է այցի ծրագիրը, որից պարզ է դառնում, որ Իրակլի Ղարիբաշվիլին հանդիպում է ունենալու Ադրբեջանի նախագահ Իլհամ Ալիեւի հետ, նաեւ, այցի շրջանակներում կայանալու է վրաց-ադրբեջանական տնտեսական միջկառավարական հանձնաժողովի նիստը, որը նախագահելու են Վրաստանի և Ադրբեջանի վարչապետները։ Ստորագրվելու է համագործակցության հուշագիր։
Հիշեցնենք, որ վրացական պատվիրակության կազմում են՝ Վրաստանի փոխվարչապետ, ԱԳ նախարար Դավիթ Զալկալիանին, Կայուն զարգացման եւ էկոնոմիկայի նախագահ Նատյա Տուրնավան եւ կառավարության աշխատակազմի ղեկավար Իլյա Դարչիաշվիլին։
