Վրաստանում հենց քարոզարշավի ժամանակ, դանակահարվել է ընդդիմության երկու ներկայացուցիչ
Վրաստանի Դմանիսի շրջանի Գանտիադի գյուղում՝ ՏԻՄ ընտրություններին ընդառաջ անցկացված նախընտրական քարոզարշավի ժամանակ դանակահարվել է ընդդիմադիր «Միասնական ազգային շարժում» կուսակցության երկու ներկայացուցիչ: Վիրավորները տեղափոխվել են հիվանդանոց: Նշվում է, որ կան նաև այլ տուժածներ: Հարձակումն իրականացրած անձը ձերբակալվել է: Իմեդի հեռուստաալիքի փոխանցմամբ, վերջինս «Վրացական երազանք» կուսակցությունից Դմանիսիում առաջադրված Միխայիլ Դաութաշվիլիի որդին է: 28-ամյա Դավիդ Դաութաշվիլին անցնում է գործով, որը քննվում է Վրաստանի ՔՕ երկու հոդվածներով՝ «դիտավորությամբ ծանր մարմնական վնասվածք հասցնելը» և«բռնությունը»: Մեղադրյալին սպառնում է ազատազրկում՝ 3-6 տարով: Հիշեցնենք, որ Վրաստանում հոկտեմբերի 2-ին կանցկացվեն ՏԻՄ ընտրություններ:
