Լիբանանը հայ նախարար ունի
Լիբանանի նախագահ Միշել Աունը հրամանագիր է ստորագրել Նաջիբ Միքաթիի գլխավորությամբ երկրի նոր կառավարության ձեւավորման մասին: Այս մասին հայտնում է «Ալ Ջազիրա» հեռուստաալիքը: Կառավարության 24 նախարարից մեկը հայ է: Արդյունաբերության գերատեսաչության ղեկավար է նշանակվել հայազգի Ջորջ Փուչիկեանը (George Bojkian):
Նշվում է, որ կառավարությունը գլխավորած Նաջիբ Միքաթին երկրի ամենահարուստ մարդն է և նախկինում երկու անգամ զբաղեցրել է այս պաշտոնը:
Կառավարության կազմի հաստատմամբ երկրում ավարտվում է ամիսներ տևած քաղաքական ճգնաժամը:
