Դիմում եմ ներկայացրել դադարեցնելու իմ լիազորությունները․ Արման Աբրահամյան
Էրեբունի վարչական շրջանի ղեկավար Արման Աբրահամյանը ազատման դիմում է ներկայացրել։ Այդ մասին տեղեկանում ենք Արման Աբրահամյանի ֆեյսբուքյան էջից։
«Ես փորձել եմ բոլոր նախաձեռնությունների հիմքում դնել օրենքը և գործել բացառապես այդ տիրույթում, ստեղծելով նորը՝ զարգացնելով հինը։ Ինձ մնում է միայն շնորհակալություն հայտնել իմ բնակիչներին, աշխատակազմին, մեր հավատարիմ գործընկերներին։
Դիմում եմ ներկայացրել դադարեցնելու իմ լիազորությունները՝ որպես վարչական շրջանի ղեկավար։ Ցանկությունս մեկն է՝ խաղաղություն մեր երկրին»,- նշել է նա։
