Վահան Քերոբյանը մանրամասնեց՝ ինչու են պաշտոնից ազատվել երկու փոխնախարարները

ՀՀ էկոնոմիկայի նախարար Վահան Քերոբյանը լրագրողների հետ զրույցի ժամանակ պարզաբանեց, թե ինչու են աշխատանքից ազատվել էկոնոմիկայի արդեն նախկին փոխնախարարներ Աննա Հակոբյանը և Ավագ Ավանեսյանը։

Նախարարի խոսքով Աննա Հակոբյանի դեպքում խնդիրն անձնական է.

«Երեխայի բուժման նպատակով ստիպված եղավ դուրս գալ։ Նրա փոխարեն արդեն նշանակվել է Ռաֆայել Գևորգյանը, որը 10 տարվա խորհրդատվական աշխատանքի փորձ ունի և վերջին 6 տարվա ընթացքում աշխատել է «Deloitte» առաջնակարգ խորհրդատվական ընկերության Լյուքսեմբուրգի գրասենյակում, և բարձրակարգ մասնագետ է։ Մոտ ապագայում կհամալրենք բոլոր թափուր պաշտոնները ու կստեղծենք այն թիմը, որը պետք է իրագործի այս հավակնոտ կառավարության ծրագրի մեր մասը»,-նշեց Վահան Քերոբյանը։