Ու՞ր է Աֆղանստանի նախագահը․ ԶԼՄ-ներ
Աֆղանստանից փախած նախագահ Աշրաֆ Ղանին գտնվում է ԱՄԷ-ի մայրաքաղաք Աբու Դաբիում: Այս մասին հայտնել է Kabul News-ը։
Ավելի վաղ հեռուստաալիքը հայտնել էր, որ Ղանին մեկնել է Օման։
Թալիբների կողմից Աֆղանստանի գրավումից հետո մի շարք այլ բարձրաստիճան պաշտոնյաներ նույնպես լքել են երկիրը:
Մասնավորապես, Աֆղանստանի կենտրոնական բանկի ղեկավար Աջմալ Ահմադինի փախուստի մասին է հաղորդվում:
Հիշեցնենք, որ օգոստոսի 15 -ին թալիբները գրավել էին Աֆղանստանի մայրաքաղաք Քաբուլը: Արնահեղությունից խուսափելու համար կառավարությունը նրանց է հանձնել իշխանությունը: Ղանին հեռացել է երկրից:
