Մեծ Բրիտանիան պատրաստվում է 20 հազար աֆղան փախստականի ընդունել

Մեծ Բրիտանիայի կառավարությունը հայտարարել է, որ պատրաստվում են առաջիկա տարիներին 20 հազար աֆղան փախստականների ընդունել։ Այդ մասին հայտնում է Euronews-ը։ 
«Մենք երախտագիտության զգացում ունենք բոլոր այն մարդկանց նկատմամբ, որոնք նախորդ 20 տարիների ընթացքում մեզ հետ միասին աշխատել են Աֆղանստանն ավելի լավը դարձնելու համար։ Նրանցից շատերը, հատկապես կանայք, այժմ, անհապաղ մեր օգնության կարիքն ունեն», -նշել է Մեծ Բրիտանիայի վարչապետ Բորիս Ջոնսոնը։ 

Բորիս Ջոնսոնը պատրաստվում է այսօր ծրագիրը ներկայացնել օրենսդիրներին։ 

Ծրագրով նախատեսվում է, որ առաջին տարում Մեծ Բրիտանիան կընդունի 5000 աֆղանցիների՝ առաջնահերթություն տալով կանանց, աղջիկներին և կրոնական փոքրամասնություններին։