ՏԵՍԱՆՅՈՒԹ. Արման Թաթոյանը հրապարակել է Կութ գյուղի ուղղությամբ ադրբեջանական կրակոցները հավաստող տեսանյութ
ՀՀ ՄԻՊ Արման Թաթոյանը հրապարակել է Կութ գյուղի ուղղությամբ ադրբեջանական կրակոցները հավաստող տեսանյութ։
Ադրբեջանի պաշտպանության նախարարությունը հերքել է Գեղարքունիքի մարզի Կութ գյուղի վրա ադրբեջանական հանցավոր կրակոցները` նկատի ունենալով ՀՀ մարդու իրավունքների պաշտպանի հայտարարությունը (http://interfax.az/view/842493):
Մարդու իրավունքների պաշտպանն այդ կրակոցների փաստը հաստատող տեսանյութ է հրապարակել Կութ գյուղից:
Հիշեցնենք, որ ՄԻՊ Արման Թաթոյանը երեկ երեկոյան հայտարարել էր, որ ստացվող ահազանգերի համաձայն` այս պահին ադրբեջանական զինված ուժերը կրակում են Սոթքի լեռնանցքի ուղղությամբ:
Իսկ մինչ այդ էլ՝ ըստ Արման Թաթոյանի, ադրբեջանական զինված ուժերն ուղիղ նշանառությամբ կրակում էին Գեղարքունիքի մարզի Կութ գյուղի վրա: Ուղիղ կրակում էին նաև Նորաբակ գյուղի վրա:
ՄԻՊ-ը գրել էր, որ կրակոցներն ինտենսիվ են ու տարբեր տրամաչափի զինատեսակներից: Բնակիչները փորձում են պատսպարվել:
Ադրբեջանական զինված ուժերի այս արարքները հանցավոր են, ուղիղ դիտավորությամբ ուղղված են մարդկանց կյանքից զրկելուն, խաթարում են մարդկանց անվտանգությունն ու խաղաղությունը:
