Ուրսուլա ֆոն դեր Լայենը Ուկրաինայի անդամակցությունը ԵՄ-ին անվանել է անվտանգության ամենակարևոր երաշխիք
ԵՄ ղեկավարների հետ հեռախոսազրույցից հետո Եվրահանձնաժողովի (ԵՀ) ղեկավար Ուրսուլա ֆոն դեր Լայենը Ուկրաինայի անդամակցությունը Եվրամիությանը անվանել է անվտանգության ամենակարևոր երաշխիքը։
Այդ մասին տեղեկացնում է «Արմենպրես»-ը՝ վկայակոչելով Եվրահանձնաժողովի ղեկավարի սոցցանցային X հարթակում արված գրառումը։
«Այսօր մենք լավ քննարկում ունեցանք եվրոպացի առաջնորդների հետ Ուկրաինային մեր աջակցության, նրա անվտանգության և երկրի վերակառուցման վերաբերյալ։ Վերջին հաշվով, ազատ ուկրաինական պետության բարգավաճումը կախված է ԵՄ-ին նրա անդամակցությունից։ Սա նաև ինքնին անվտանգության ամենակարևոր երաշխիքն է», - գրել է Ուրսուլա ֆոն դեր Լայենը։
