Երեկ թուրքական օդուժը եզդիական Շանգալ քաղաքի կենտրոնում հարվածել է եզդի հրամանատարի մեքենային. նա զոհվել է. Ռուստամ Բաքոյան
Երեկ թուրքական օդուժը եզդիական Շանգալ քաղաքի կենտրոնում հարվածել է եզդի հրամանատարի մեքենային, եզդի հրամանատարը զոհվել է, մեքենայում եղել է նաև նրա զարմիկը: Միջադեպի հետևանքով երեք խաղաղ բնակիչ վիրավորվել է: Այս մասին ԱԺ նիստին հայտարարեց պատգամավոր, ԱԺ-ում եզդիական համայնքի ներկայացուցիչ Ռուստամ Բաքոյանը:
Նրա խոսքով՝ արդեն երրորդ եզդի հրամանատարն է, որ թուրքական օդուժի ռմբակոծություններից զոհվում է.
«Թուրքական ներխուժումն այս տարածաշրջան ցույց է տալիս իրենց անհանգստությունն առ այն, որ այստեղ ձևավորվելու է մի անվտանգության գոտի, որը չի բխելու թուրքերի շահերից, բայց մենք հետ չենք կանգնելու մեր նպատակներից, դուր գա դա թուրքերին, թե դուր չգա, մենք կառուցելու ենք մեր երկիրը»,-ասաց Բաքոյանը»։
