ՏԵՍԱՆՅՈՒԹ. Այսօր մեր երկրից ևս մեկ գույն պակասեց. այսօր վերջին հրաժեշտը տվեցին մեծանուն դուդուկահար Ջիվան Գասպարյանին
Այսօր մեր երկրից ևս մեկ գույն պակասեց: Այս մասին այսօր լրագրողների հետ զրույցում ասել է երաժիշտ Արա Գևորգյանը` խոսելով դուդուկահար Ջիվան Գասպարյանի մասին:
Հիշեցնենք, որ «Արամ Խաչատրյան» համերգասրահում այսօր վերջին հրաժեշտը տվեցին մեծանուն արվեստագետ, ՀՀ ժողովրդական արտիստ, դուդուկահար Ջիվան Գասպարյանին:
Ջիվան Գասպարյանի աճյունը կամփոփվի Կոմիտասի անվան պանթեոնում: Մեծանուն դուդուկահարը մահացել էր հուլիսի 6-ին:
Վարչապետի պաշտոնակատար Նիկոլ Փաշինյանը տիկնոջ՝ Աննա Հակոբյանի հետ նույնպես մասնակցել է աշխարհահռչակ դուդուկահար Ջիվան Գասպարյանի վերջին հրաժեշտի արարողությանը: Այս մասին հայտնում են ՀՀ կառավարությունից։
