Գերմանացի հիդրոօդերևութաբանների գնահատականի համաձայն՝ նման անձրևներ չէին տեսել արդեն 100 տարուց ավելի

Շուրջ 700 բնակիչ տարհանվել է Արևմտյան Գերմանիայում ` ամբարտակի ճեղքման պատճառով: Պատնեշի վնասի չափը դեռ դժվար է գնահատել, - հայտնում է ՏԱՍՍ-ը:

Բազմաթիվ մարդիկ արգելափակված են իրենց տներում, արտակարգ իրավիճակների ծառայությունները տուժածներին տարհանում են նավակներով։ Մոլեգնող տարերքի պատճառով հուլիսի 14-ից դադարեցվել է ոչ հեռու գտնվող Քյոլն/Բոնն օդանավակայանի աշխատանքը։

[5f6ae126ac73c4d7f3e392ab46584a08.jpg]

Մոտ մեկ շաբաթ է՝ Գերմանիայի արևմուտքում և հարավ-արևմուտքում շարունակվում են տեղատարափ անձրևները, որոնք ավերիչ ջրհեղեղի պատճառ են դարձել:

Հորդառատ անձրևների պատճառով ափերից դուրս են եկել Ռեյնգետի ԱրևՄոզել վտակները։

Գերմանիայի արեւմուտքում ավերիչ ջրհեղեղից զոհերի թիվը անցելէ 130-ից, տարբեր վնասվածքներ է ստացել 618 մարդ:

Բելգիայում ջրհեղեղից մահացել է առնվազն 20 մարդ: Մտավախություններ կան, որ զոհերի մասին տվյալները վերջնական չեն, հաղորդում է DeutscheWelle-ն:

[92054d96b49128a3ae385d2f46b0a723.jpg]

Աղետի գոտում շարունակվում են որոնողա-փրկարարական, ինչպես նաեւ ավերված ենթակառուցվածքների վերականգնման աշխատանքները: Այդ աշխատանքներին մասնակցում են նաեւ բազմաթիվ կամավորներ:

[f006abfce90c18b0af28041e26992c32.jpg]

Աղետի հասցրած վնասը դեռ չի հաշվարկվել: Ջրհեղեղն ավերել է շենքեր, ճանապարհներ, կամուրջներ, երկաթգծեր, տուժել են ֆերմերային տնտեսություններ: Որոշ շրջաններ մնացել են առանց էլեկտրականության, չկա խմելու ջուր: