Բրիտանացի միլիարդատեր Ռիչարդ Բրենսոնն այսօր տիեզերք կթռչի. նրան հյուր է եկել Իլոն Մասկը
Բրիտանացի միլիարդատեր Ռիչարդ Բրենսոնն այսօր տիեզերք է թռչում: Մինչ թռիչքի մեկնարկը Բրենսոնին հյուր է եկել Տեսլայի հիմնադիր Իլոն Մասկը:
Տիեզերք մեկնող անձնակազմը 6 մարդ է, երկու տիեզերագնաց եւ 4 ուղեւոր, որից մեկը բրիտանացի միլիարդատերը:
Բրիտանացի գործարար Ռիչարդ Բրենսոնը պատրաստվում է իր կիրակնօրյա թռիչքին դեպի տիեզերք: Թռիչքը կիրականացվի Virgin Galactic ընկերության հրթիռակրով, որը կբարձրանա 15 000 կմ:
Ինչպես փոխանցում է BBC News-ը, գործարարը նշել է, որ ցանկանում է ինքնուրույն գնահատել թռիչքի փորձառությունը, նախքան հաջորդ տարի կմեկնարկեն հաճախորդների մասնակցությամբ վճարովի ուղևորությունները դեպի տիեզերք:
Հրթիռակրի մեկնարկը կտրվի Նյու Մեքսիկո նահանգի կայանից տեղի ժամանակով 07:00-ին (երևանյան՝ 17:00): Ըստ ծրագրի՝ թռիչքը տևելու է 1,5 ժամ:
