ՏԿԵՆ մամուլի քարտուղարը դադարեցրել է պարտականությունները
Տարածքային կառավարման և ենթակառուցվածքների նախարարի մամուլի քարտուղար Արմինե Մուրադյան ֆեյսբուքյան էջում գրառում է արել՝ տեղեկացում է, որ այլևս չի կատարելու քարտուղարի պարտականությունները։
«Սիրելի՛ ընկերներ, գործընկերնե՛ր, տեղեկացնում եմ, որ այլևս չեմ կատարում Տարածքային կառավարման և ենթակառուցվածքների նախարարի մամուլի քարտուղարի պարտականությունները:
Շնորհակալություն եմ հայտնում լրատվական դաշտի գործընկերներիս 3 տարվա արդյունավետ համագործակցության համար՝ առանց որի անհնար կլիներ հանրության համար ապահովել մեր գործունեության հաշվետողականությունը, շատ դեպքերում նաև աջակցել խնդիրների վերհանմանն ու լուծմանը:
Շնորհակալ եմ նախարարության գործընկերներիս, հատկապես հասարակայնության հետ կապերի փոքրիկ, բայց սրտացավ թիմին աջակցության և համատեղ աշխատանքի համար: Լավագույն հաղորդակցությունը այս տարիներին հաջողվել է նախարարության ողջ աշխատակազմի նվիրված ու պատասխանատու աշխատանքի շնորհիվ:
Հատուկ երախտագիտությունս եմ հայտնում նախարար Սուրեն Պապիկյանին վստահության և ամենօրյա աջակցության համար:
Շնորհակալ եմ բոլորիդ:
Մեր հերոսների հանդեպ պարտքի գիտակցումը յուրաքանչյուրիս աշխատանքի հիմքը պետք է լինի:
Միասնականություն և հաջողություններ մեր երկրին»:
