Որոշեցի լքել բոլորի ֆեյսբուքյան էջերը, շարքայինից մինչև բարձ պաշտոնյա. Մնացական Բիչախչյան

Ոստիկանության անձնագրային և վիզաների վարչության պետ Մնացական Բիչախչյանը ֆեյսբուքի իր էջում գրել է․ «Վերջերս մի պատմություն լսեցի: Իշխանական թևից մեկը ընկերոջս այն հարցին, թե առաջ նկատում էի Բիչախչյանի գրառումներին հետևում էիր, արձագանքում: Պատասխանը լինում է հետևյալը. «դե հիմա ընդդիմադիր բաներ է գրում, ինձ էլ ճիշտ հասկացի, թեպետ իրա աշխատանքը շատ եմ հավանել....և ահագին գովեստի խոսքեր»:

Այսինք, եթե իշխանահաճո բան չես ասում, բայց կապ չունի նաև, որ կոռեկտ ես շարադրում մտքերդ, պետության համար սրտացավ, ուրեմն վտանգավոր ես իրենց համար:

Ես էլ որոշեցի լքել բոլորի ֆեյսբուքյան էջերը, շարքայինից մինչև բարձ պաշտոնյա, նույնիսկ ում հետ շատ երկար տարիներ ընկերություն եմ արել:

Իմ գոյությամբ երբեք ոչ մեկին չեմ վնասել, չեմ խանգարել, առավել ևս հիմա:

Ինչպես միշտ, այժմ էլ մաղթում եմ բոլորիս Հզոր Հայրենիք»: