Վերադարձրել եմ վերջին 28 տարում թալանված գումարներն ու վերադարձրել պետությանը.Վանեցյան
«Դուք Սերժ Սարգսյանի կողքին նստած հայտարարեցիք, որ թալանված գումարները ՀՀ-ում ամենից շատ հետ է բերվել ձեր ԱԱԾ տնօրեն եղած ժամանակ: Ո՞ւմ իշխանության օրոք թալանված գումարներն էիք հետ բերում»: Այսօր այս մասին մամուլի ասուլիսի ընթացքում ԱԱԾ նախկին տնօրեն Արթուր Վանեցյանից հետաքրքրվեց լրագրողը:
Հարցին ի պատասխան Վանեցյանը նշեց, որ վերջին 28 տարում իշխանության եղած, այսինքն բոլոր երեք նախագաների օրոք թալանված գումարներն է վերադարձրել: Գրում է Armtimes.com-ը:
Վանեցյանի պնմամբ, եթե ժողովուրդը իրենց տար քվե ու, եթե իրենք լինեին իշխանություն, ինքը շարունակելու էր իր գործը:
«Անկախ նրանից կլինեին այդ մարդիկ մեր կամ մեզ բարեկամ, դաշնակից քաղաքական ուժի ներկայացուցիչներ, կլինեին իմ բարեկամները ու հարազատները, եղբայրները, ընկերները: Եթե գողացել են մեկ լումա, պետք է վերադարձնեն այդ մեկ լուման: Ով խախտել է օրենք, պետք է օրենքի ամենայն խստությամբ պատասխան տա՝ ինձնից սկսած վերջացրած ձեզնով»,-ասաց Վանեցյանը:
Դիտարկմանը, որ, եթե ապօրինություններ են եղել Սերժ Սարգսյանի իշխանության օրոք, ինչպե՞ս է նրա հետ համագործակցում, Արթուր Վանեցյանն ասաց, որ Նիկոլ Փաշինյանի իշխանության ժամանակ էլ էին իրենց թիմակիցներն իրականացնում ապօրինություններ և ձերբակալվում էին, բայց ինքը այդ թիմից դրա համար չէր հեռանում:
«Այո, եղել են ապօրինություններ Սերժ Սարգսյանի օրոք, բայց կոնկրետ Սերժ Սարգսյանին վերագրվող ապօրինություններ 3 տարվա ընթացքում եղե՞լ են»,-նշեց նախկին ԱԱԾ տնօրենը:
Նկատառմանը, որ Սերժ Սարգսյանն անցնում է հիմա քրեական գործով, Վանեցյանն ասաց, որ չկա մի պաշտոնյա, որի աշխատանքի ընթացքում փորձեն գտնեն խախտումներ և չգտնեն:
