Միջադեպն՝ ամենայն հավանականությամբ, հունիսի 2-ին է եղել․ մանրամասներ հայտնի տեսանյութի մասին

Թշնամին այսօր Գեղարքունիքի մարզում դաժան ծեծի է ենթարկել հայ զինծառայողի: Այս մասին հայտնում է Mediaport-ը՝ ներկայացնելով նաև տեսանյութը, որը բռնության տեսարաններ է պարունակում: Auroranews-ը փորձեց կապ հաստատել ՀՀ ՊՆ` տեղեկատվություն ստանալու նպատակով, սակայն մեր զանգերն անպատասխան մնացին։ Ըստ որոշ աղբյուրների, այս տեսանյութն ամենայն հավանականությամբ, հունիսի 2-ին է եղել, որի առնչությամբ ՀՀ ՊՆ հայտարարություն էր տարածել:

Հիշեցնենք, որ  Գեղարքունիքում հերթական միջադեպ էր տեղի ունեցել հայ և ադրբեջանցի զինծառայողների մասնակցությամբ, որի հետևանքով հայ երկու զինծառայող թեթև մարմնական վնասվածքներ  էին  ստացել։ ՊՆ-ից հայտնել էին նաև, որ միջադեպի ընթացքում հրազեն չէր կիրառվել և այն արագ հարթվել էր վերադաս հրամանատարության ջանքերով: