Մեքենայի բեռանխցիկում 115 հատ սիգ են գտել ու տեղափոխել Սևանի հոգեկան առողջության կենտրոն

Ա.Կ.-ին պատկանող ավտոմեքենայի բեռնախցիկում այսօր հայտնաբերվել և առգրավվել է 115 հատ, ընդհանուր 19.8 կգ սիգ տեսակի սառեցված մանրաձուկ: Տեղեկությունը հայտնում է ՀՀ բնապահպանության և ընդերքի տեսչական մարմինը։ 

«Ձկները հանձնվել են «Սևանի հոգեկան առողջության կենտրոն» ՓԲԸ-ին»,– նշված է հաղորդագրության մեջ։

Միջոցառումն իրականացվել է Սևանա լճից մանրաձկան որսի դեմ պայքարի շրջանակներում Բնապահպանության և ընդերքի տեսչական մարմնի Գեղարքունիքի տարածքային բաժնի, «Սևան ազգային պարկ» ՊՈԱԿ-ի, ՀՀ ոստիկանության Սևանի բաժնի և Ճանապարհային ոստիկանության աշխատակիցների կողմից։ 

[739181c366cd87c67a328872f395720b.jpg]