Երկուստեք տուժած զինծառայողներ կան, հրազեն չի կիրառվել. նոր մանրամասներ՝ Սև լճի տարածքում տեղի ունեցած միջադեպից
Որոշ լրատվականներ տեղեկացնում են, որ երեկ գիշեր Սյունիքում հայերի և ադրբեջանցիների միջև կրկին միջադեպ է եղել և 11 զինծառայող տեղափոխվել է հիվանդանոց:
Պաշտպանության նախարարությունից Auroranews-ին ասացին, որ երկուստեք տուժածներ կան. «Հայ զինծառայողները ստացել են թեթև մարմնական վնասվածքներ, միջադեպի ժամանակ հրազեն չի կիրառվել»:
Ավելի վաղ հայտնել էինք, որ ըստ տարածված տեղեկությունների՝ գիշերը Սև լճի տարածքում Գորիսի զորամասի շտաբի պետ ոմն Մինասյանի քիթն ադրբեջանցիները կոտրել են:
Հիշեցնենք՝ ՊՆ-ն միջադեպի վերաբերյալ մանրամաներ հայտնեց րոպեներ առաջ:
