Գազայի հատվածից պաղեստինյան ուժերը զանգվածային հրթիռակոծություն են իրականացրել Թել Ավիվի ուղղությամբ

Գազայի հատվածից պաղեստինյան ուժերը զանգվածային հրթիռակոծություն են սկսել Իսրայելի մայրաքաղաք Թել Ավիվի ուղղությամբ, քաղաքում միացել է օդային տագնամի ազդանշանը:

Իսրայելի պաշտպանության բանակը հայտնում է, որ ՀՕՊ համակարգերի ազդանշաններ են հնչում այսպես ասած Մեծ Թել Ավիվում՝ բուն քաղաքում և արվարձաններում:

Իսրայելից դեպի Գազայի հատված և հակառակ ուղղությամբ փոխադարձ ինտենսիվ հրթիռակոծությունները չեն դադարում մայիսի 10-ից: Վերջին տվյալներով՝ իսրայելական կողմում կա առնվազն 10, պաղեստինյան կողմում՝ 146 զոհ: