Ազգային ժողովը Սյունիքի հարցով արտահերթ նիստ կգումարի
ՀՀ ԱԺ–ն այսօր` մայիսի 14-ին, ժամը 18.00-ին արտահերթ նիստ կգումարի` քննարկելու Սյունիքում ու Գեղարքունիքում ՀՀ սահմաններին ստեղծված իրավիճակը։ Տեղեկությունը հայտնում է ԱԺ մամուլի ծառայությունը։
Ազգային ժողովի «Բարգավաճ Հայաստան» խմբակցության նախաձեռնությամբ հրավիրվող նիստի վերաբերյալ որոշումը կայացվել է ԱԽ խորհրդի նիստում։
Հիշեցնենք` ԱԺ «Բարգավաճ Հայաստան» խմբակցությունը երեկ` մայիսի 13-ին, հայտարարել էր, որ հանդես է գալիս ԱԺ արտահերթ նիստ հրավիրելու նախաձեռնությամբ` Սյունիքում ու Գեղարքունիքում ՀՀ սահմաններում ստեղծված ճգնաժամային իրավիճակը քննարկելու նպատակով։
ԱԺ «Լուսավոր Հայաստան» ու Իմ քայլը» խմբակցություններն առայժմ պաշտոնապես չեն արձագանքել ԲՀԿ-ի առաջարկին։
