ՏԵՍԱՆՅՈՒԹ. Իջևանցին էշով եկել էր Փաշինյանին տանելու, բայց իրեն տարան

Իջևանցին այսօր էշով եկել էր Երևան, ԱԺ շենքի մոտ՝ Նիկոլ Փաշինյանին տանելու։ 
Նա լրագրողներին պատմեց, որ հին հայկական ավանդույթի համաձայն, դավաճաններին էշի վրա թարս նստացնում են ու քաղաքով պտտացնում, որ բոլորը ճանաչեն, ընդ որում՝ մերկ վիճակում։ 
«Սա ակցիա չէ, սա իրականություն է։ Մեր Իլհամիկի հետ եկել ենք մեր շաշին տանենք տուն։ Ես իջևանցի եմ, Աչաջուր գյուղից եմ, ինքն իմ համագյուղացուն՝ Օնիկ Գասպարյանին, որը շատ մեծ ներդրում ունի, դավաճան է համարում»,– լրագրողների հետ զրույցում ասաց նա` հավելելով, որ արդեն ամաչում է ասել, որ իջևանցի է։ 

Քաղաքացու ակցիան, սակայն, կիսատ մնաց։ Ոստիկանության աշխատակիցները նրան Բաղրամյան պողոտայից բերման ենթարկեցին։ Իսկ «Իլհամիկ» անունով էշը մնաց ԱԺ մուտքի մոտ կանգնած։