Մենք մեր ժողովրդին արժանի չենք. Փաշինյանը Մարտունիում ներողություն է խնդրել թույլ տված սխալների համար

Մենք պետք է հասկանանք, թե ինչ տեղի ունեցավ մեզ հետ, ինչու այդ փառապանծ հաղթանակից հետո մենք առերեսվեցինք այս դառը պարտությանը։ Եվ մենք չպետք է վախենանք, փախնենք ինքներս մեզ հետ առերեսվելուց, այսօր Մարտունիում բնակիչների հետ հանդիպմանը հայտարարել է վարչապետի պաշտոնակատար Նիկոլ Փաշինյանը։

«Մենք պետք է ուղիղ մեր աչքերի մեջ նայենք և ասենք, թե ինչն ենք սխալ արել, որ հասել ենք մի հանգրվանի, որտեղ գործնականում ելք, ըստ էության, չունեինք, այլ տարբերակ չունեինք։ Մենք բանակցելիս բանակցել ենք մինչև վերջին վայրկյանը, որ հնարավոր է եղել, կռվելիս կռվել ենք մինչև վերջին վայրկյանը, որ հնարավոր է եղել», - հայտարարել է Փաշինյանը։

«Ամեն անգամ ձեզ հետ շփվելիս մտածում եմ, որ մենք, այնուամենայնիվ, մեր ժողովրդին արժանի չենք։ Մեր ժողովուրդն արժանի է շատ ավելիին», - հայտարարել է Փաշինյանը՝ ներողություն խնդրելով թույլ տված բոլոր սխալների համար։

Տեսանյութը՝ Ալեն Սիմոնյանի էջից: