ՏԵՍԱՆՅՈՒԹ. Թբիլիսիում հորդառատ անձրևի հետևանքով փողոցները ջրով են ծածկվել. ջուրը քշում-տանում է մայթեզրին կանգնած մեքենաները
Թբիլիսիի ծայրամասային մի քանի թաղամասերի փողոցներ հեղեղվել են, երեկ երեկոյան տեղացած տեղատարափ անձրևից հետո, հայտնում է News Georgia լրատվական պորտալը։
Իրավիճակը հատկապես ծանր է եղել Դիդի Դիգոմիում և Դիգոմի բնակավայրում, որտեղ, ականատեսների հրապարակումների համաձայն, հեղեղից առաջացած հզոր հոսանքները քշում-տանում են մայթեզրին կանգնած մեքենաները։
«Ռուսթավի 2» հեռուստաալիքը հայտնել է, որ ջուրը լցվել է նաև տարածքում գտնվող առանձնատները, այդ թվում՝ «Վանական Անդրիի հիմնադրամ»ի շենք, որն օգնություն է տրամադրում քաղցկեղով հիվանդ երեխաներին։
Հայտնի է, որ այժմ անձրևն արդեն դադարել է և հրշեջների 17 բրիգադ անցել է անձրևի հետևանքները վերացնելու գործին։ Տուժածների մասին տեղեկություններ չկան։
