Ադրբեջանում մարդկային տառապանքների «Պուրակ-թանգարանը» նախատեսված է նաև մանկահասակ երեխաների համար․ ՄԻՊ
Ադրբեջանում մարդկային տառապանքների «Պուրակ-թանգարանը» նախատեսված է նաև մանկահասակ երեխաների համար: Այս մասին ֆեյսբուքյան գրառում է արել մարդու իրավունքների պաշտպան Արման Թաթոյանը։
Նա նշում է, որ այն բացվել է Բաքվում` առավելագույն հրապարակայնություն ապահովելով և ունի ծայրաստիճան նվաստացնող, էթնիկ արժանապատվությունը ոտնահարելու նպատակ:
«Այս «պուրակ-թանգարանն» ակնհայտ հաստատում է Ադրբեջանում պետական հովանավորչությամբ հայատյացության ու թշնամանքի, ռասիզմի և ֆաշիստական քաղաքականության փաստը»,- ընդգծել է ՄԻՊ-ը:
Հիշեցնենք, որ երկու օր առաջ Բաքվում բացվել է Արցախյան երկրորդ պատերազմում Ադրբեջանի հաղթանակի վերաբերյալ «պուրակը», որտեղ հայկական ռազմական տեխնիկայի հետ ցուցադրվում են հայ զինծառայողների մանեկենները՝ ներկայացված նվաստացուցիչ կերպով:
