Անհետ կորածների հարազտները թույլ չեն տվել սնունդ փոխանցել ՊՆ աշխատակիցներին՝ ինչից էլ առաջացել է վեճը

Այսօր առավոտյան ՊՆ-ի դիմաց  բողոքի ակցիա իրականացնող անհետ կորածների հարզատներից մեկը Արսեն Ղուկասյանը ֆեյսբուքյան ուղիղ եթերում հայտնել էր, որ ՊՆ աշխատակիցները շշեր են շպրտել անհետ կորածների ծնողների վրա: 

«Առավոտյան պաշտպանության նախարարն իր մարդկանցով պտույտ էր տալիս ՊՆ-ի տարածքով, մեզ նորից չմոտեցավ: Դրանից առաջ որոշ տականքներ ներսից սադրանք՝ գործադրեցին, հրմշտոց, խփոց, ռեշոտկեքից էս կողմ շիշ շպրտել ծնողների վրա»,-նշել էր նա:

Auroranews-ի հավաստի աղբյուրները հայտնում են, որ անհետ կորածների հարազատների և ՊՆ աշխատակիցների միջև ընդհարում է տեղի ունեցել այն ժամանակ, երբ ՊՆ աշխատակիցների հարազատները սնունդ և ջուր են բերել արդեն 1 օր շենքում շրջափակման մեջ գտնվող աշխատակիցներին: Ակցիայի մասնակիցները թույլ չեն տվել, որ ճաղավանդակներից ներս սնունդ փոխանցվի՝ ինչից էլ առաջացել է վեճը: 

Քիչ առաջ նաև հայտնել էինք, որ մի քանի զինվորականներ ՊՆ-ի պարիսպների մոտ երկաթյա աստիճանի միջոցով փարձում են մուտք գործել նախարարություն: 

[eb4ebd387afe5675b938d3196c89b028.jpg]

Մեր աղբյուրի հավաստմամբ դա նորմալ գործընթաց է, քանի որ զինվորականները գործուղման են մեկնում զորամասեր և ետ վերադառնում նախարարություն՝ պահելով իրենց աշխատանքային պրոցեսը: 

Հիշեցնենք նաև, որ ՊՆ-ի կողմից առաջարկ արվել է ակցիայի մասնակիցներին հանդիպելու ՊՆ նախարարին, սակայն մասնակիցների կողմից ստացել են մերժում և պահանջել, որ նախարարը մոտենա իրենց: