ՏԵՍԱՆՅՈՒԹ. Իմ ոճով մտա տուգանային հրապարակ և ինչ որտեղ նաև բախտս բերեց. Բարսեղյան
Հայաստանի ֆուտբոլի ազգային թիմի կիսապաշտպան Տիգրան Բարսեղյանի կարծիքով հավաքականն արժանի էր Մունդիալի ընտրական փուլում երկրորդ անընդմեջ հաղթանակին:
«Առաջին իսկ րոպեից հավատում էինք, որ պետք է հաղթենք: Իմ ոճով մտա տուգանային հրապարակ և ինչ որտեղ նաև բախտս բերեց: Թե իմ գոլը, թե Բայրամյանի գնդակը շատ լավն էր: Մենք արժանի էինք այս հաղթանակին»,- ասաց Բարսեղյանը:
Հայաստանի ֆուտբոլի ընտրանին Մունդիալ-2022 ընտրական փուլի շրջանակներում Երևանում ընդունելով Իսլանդիային առավելության հասավ 2:0 հաշվով: Երկրորդ կեսի մեկնարկում Հայաստանի ընտրանին օգտագործեց իր հնարավորությունը` դիպուկ հարվածով 53-րդ րոպեին աչքի ընկավ Տիգրան Բարսեղյանը: Կապառոսի գլխավորած ընտրանին ակնհայտ իր կամքն էր թելադրում և իսպաանցի մասնագետի կատարած փոփոխությունը տվեց իր արդյունքը` խաղադաշտ մտած Խորեն Բայրամյանը կրկնապատկեց հաշվի առավելությունը: Ի վերջո Հայաստանի ընտրանին հաղթեց 2:0 հաշվով: Հայաստանի ֆուտբոլի ազգային աշխարհի առաջնության որակավորման փուլի ընտրանին J խմբի առաջատարներից մեկն է: Երկրորդ տուրից հետո Հայաստանի և Գերմանիայի ազգային ընտրանիները երկու հաղթանակից հետո ունեն 6-ական միավոր: 3-ական միավորով 3-4-րդ տեղերը կիսում են Հյուսիսային Մակեդոնիան և Ռումինիան: Իսլանդիան և Լիխտենշտեյնը միավորներ չունեն:
