Նախարարը թեև դիմակ չէր կրում, սակայն նշեց, որ հնարավորինս շատ է պետք պաշտպանել անվտանգության կանոնները

Եթե կորոնավիրուսի պատճառով խստացումներ լինեն, կան արդյո՞ք կանխատեսումներ, թե դա ինչ ազդեցություն կարող է ունենալ տնտեսության վրա: ՀՀ Էկոնոմիկայի նախարար Վահան Քերոբյանը հայտարարեց, որ պետք է բոլորով ամեն ինչ անենք, որպեսզի խստացումներ չլինեն. «Դա նշանակում է, որ պետք է հնարավորինս շատ պաշտպանենք անվտանգության կանոնները»:

Նախարարն ասաց, որ ինքը գիտի, որ խստացումները շատ վատ են տնտեսության համար, ինքը դեմ է լինելու խստացումներին, քանի որ պատասխանատու է տնտեսության համար. «Բայց իհարկե պետք է բալանսի մեջ լինենք:

Եթե տեսնենք, որ վիճակն այլևս ծայրահեղ է դառնում ու առողջապահական համակարգը չի կարողանում սպասարկել հիվանդությունը, պետք է դիտարկել խստացումների գնալու տարբերակը:

Կարծում եմ, որ մենք ամեն դեպքում կկարողանանք այդ զարգացումից խուսափել»:

Հավելենք, որ նախարարն անվտանգության կանոնները պահպանելու մասին խոսում էր առանց դիմակի: