«Նման սուտ նույնիսկ Շարմազանովից ու Աշոտյանից լսած չկայի». Դանիել Իոաննիսյան
«Իրազեկ քաղաքացիների միավորում» ՀԿ հիմնադիր, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Գևորգ Գորգիսյանը խորհրդարանում քիչ առաջ հայտարարեց, որ 2018-ի ԱԺ-ում ձեռք էր բերվել կոնսենսուս, որ Ընտրական օրենսգիրքը պետք է սահմանի բաց համամասնական ընտրակարգ (երևի նկատի ունի իրենց առաջարկած համապետական ռեյտինգային ընտրակարգը), իսկ «Դանիել Իոաննիսյանը տապալեց այդ կոնսենսուսը, և իր պատճառով օրենսգիրքը չընդունվեց»:
Նման սուտ նույնիսկ Շարմազանովից ու Աշոտյանից լսած չկայի:
2018 թվականին Կառավարության ծրագրով նախատեսվել էր սովորական համամասնական ընտրակարգ: Դա քաղհասարակության ու բազում քաղաքական ուժերի՝ դեռևս 2016-ին ձեռք բերված կոնսենսուսի շարունակությունն էր:
ԱԺ-ում դրան հստակ կողմ էին ՔՊ-ն, ԲՀԿ-ն, ՀՅԴ-ն: ՀՀԿ-ն էլ՝ մե՛կ կողմ էր, մե՛կ դեմ էր: «Լուսավոր Հայաստանը» առաջարկում էր համապետական ռեյտինգային ընտրակարգ, բայց նույնիսկ իրենք չէին պնդում այդ մոտեցումը և վերջում կողմ քվեարկեցին սովորական համամասնականին: Զզվելի է: Պարզապես զզվելի է»:
