«Եթե նկարը նոր է ու իրենց կողմից արված, նշանակում է՝ կիրճի երկու ափերն էլ ադրբեջանցիների ձեռքում են». Էդգար Էլբակյան

Քաղաքագետ Էդգար Էլբակյանը ֆեյսբուքյան իր էջում գրել է․ «Ադրբեջանական ալիքներից մեկում հրապարակվել է Հունոտի կիրճի բնապատմական վայրերից մեկի՝ Ավան հարյուրապետի քարանձավի (Ավանա կարան) նկարը։ Եթե նկարը նոր է ու իրենց կողմից արված, նշանակում է, որ կիրճի երկու ափերն էլ, այդ թվում՝ մխիթարաշենյանը, իրենց ձեռքում են։
Որպեսզի հեշտ կողմնորոշվեք, ասեմ, որ նկարում երևացող քարանձավն ուղիղ Կատարոտի (Ջդրդուզի) տակն է՝ Շուշի քաղաքի «մայթին», իսկ այն «մայթին», որտեղից արվել է նկարը, գտնվում է Մխիթարաշեն (Ըրկըթալի) գյուղը»։