Եթե վաղը ավագանին չհաստատի բյուջեի հաշվետվությունը, քաղաքապետը օրենքի ուժով պետք է դնի իր հրաժարականի հարցը. Խաժակյան

Մարտի 16-ին Երեւանի ավագանին քննարկելու է 2020 թվականի բյուջեի կատարման տարեկան հաշվետվությունը, որը ցույց է տալիս թե նախատեսված գումարի ո՞ր մասն է հավաքագրվել եւ հավաքվածի ո՞ր մասն է ծախսվել։ Այս մասին ֆեյսբուքյան իր էջում գրել է Երեւանի ավագանու «Լույս» խմբակցության ղեկավար Դավիթ Խաժակյանը:

«Առավել մանրամասն այս մասին կխոսեմ վաղը, սակայն մեկ թիվ պետք է ներկայացնեմ: 2020թ․ նախատեսված ծախսերի 36.5%-ը չի կատարվել, այն է, կատարողականը կազմել է 63.5%:

Սրանից վատ ցուցանիշ Երեւանը չի արձանագրել երբեւէ: Համեմատության համար ուսումնասիրեցի Վանաձորի եւ Գյումրու ծախսային կատարողականները եւ ցավով պետք է նշեմ, որ մայրաքաղաքի ցուցանիշները անգամ մոտ չեն հանրապետության երկրորդ եւ երրորդ քաղաքաների ցուցանիշներին։

Ըստ Բյուջետային համակարգի մասին ՀՀ օրենքի՝ համայնքի բյուջեի կատարման տարեկան հաշվետվությունը չհաստատվելու դեպքում համայնքի ղեկավարը դնում է հրաժարական տալու միջոցով իր լիազորությունները վաղաժամկետ դադարեցնելու հարցը:

Եթե Երեւանի ավագանին դակող մարմին չէ եւ պատասխանատվության նշույլ ունի համայնքի նկատմամբ, ապա վաղը պետք է մերժի կատարման հաշվետվությունը դրանից բխող բոլոր հետեւանքներով»,- գրել է նա։

Նա եւ հավելել է. «Եթե վաղը Երևանի ավագանին չհաստատի բյուջեի կատարման հաշվետվությունը, ապա քաղաքապետը օրենքի ուժով պետք է դնի իր հրաժարականի մասին հարցը»։

[7870d4c85c9ffe3910214a641a7a3f05.png]