Տիրան Խաչատրյանի գործով դատարանի առաջին նիստի օրը հայտնի է. գործով պատասխանողը հենց ՀՀ նախագահն է
ՀՀ զինված ուժերի շտաբի պետի նախկին առաջին տեղակալ Տիրան Խաչատրյանի գործով Վարչական դատարանում առաջին նիստը կայանալու է ապրիլի 29-ին, դատավորը Մերի Համբարձումյանն է:
Հիշեցնենք, որ Տիրան Խաչատրյանը պահանջում է անվավեր ճանաչել ՀՀ Նախագահի 24.02.2021թ. թիվ ՆՀ-25-Ա հրամանագիրը, որով ինքը համարվում է պաշտոնից ազատված:
Նշենք, որ Գործով պատասխանողը հենց ՀՀ նախագահ Արմեն Սարգսյանն է։ Դատարանի նախաձեռնությամբ որպես երրորդ անձինք են ներգրավել վարչապետի աշխատակազմը և ՀՀ ԶՈՒ գլխավոր շտաբը։
