Պատգամավոր Հակոբ Ասլանյանին հայհոյելու մեջ կասկածվողն ազատ է արձակվել
Դատարանը ճանաչեց Հակոբի ձերբակալման ոչ իրավաչափ լինելը և ազատ արձակեց վերջինիս։ Այս մասին ֆեյսբուքյան իր էջում գրել է փաստաբան Բենիկ Գալստյան:
«Դատարանը ճանաչեց Հակոբի ձերբակալման ոչ իրավաչափ լինելը և ազատ արձակեց վերջինիս։
Շնորհակալ եմ դատավոր Արտուշ Գաբրիելյանին՝ օբյեկտիվ որոշման համար։
Հիշեցնեմ, որ Հակոբը հայհոյել էր իմ քայլը խմբակցության պատգամավոր Հակոբ Ասլանյանին։
Նշեմ նաև, որ պաշտպանյալս Արցախյան ազատամարտի մասնակիցներից է եղել՝ 17 տարեկան հասակում կամավորական հիմունքներով միացել է մեր նոր կազմավորվող բանակին և մասնակցել է մի շարք թեժ մարտերի»,- գրել է նա։
Հիշեցնենք, որ երեկ իր բնակարանից ՀՀ ոստիկանության Արաբկիրի բաժին բերման է ենթարկվել և ձերբակալվել Հակոբ Հովհաննիսյանը։
Վերջինս կասկածվում է փետրվարի 26-ին իմքայլական պատգամավոր Հակոբ Ասլանյանին հայհոյելու մեջ։