Մեկնարկեց Հայրենիքի փրկության շարժման անհնազանդության երթը
Արաբկիր վարչական շրջանի Վահագն Դավթյան այգուց մեկնարկեց Հայրենիքի փրկության շարժման երթը: Նշենք, որ երթը կընթանա Հրաչյա Քոչար փողոցով, Բաղրամյան պողոտայով և կհասնի Ֆրանսիայի հրապարակ, որտեղ տեղի կունենա անհնազանդության ակցիա: Ընդդիմության երթից առաջ էլ իշխանությունը ավտոբուսներով ոստիկանական ուժեր է կենտրոնացրել տարածքում։
Հայրենիքի փրկության շարժման ներկայացուցիչները փետրվարի 20-ի մեծ հանրահավաքի ժամանակ ազդարարեցին պայքարի նոր մեկնարկի մասին։
«Սկսվելու են բողոքի գործողություններ, անհնազանդության ակցիաներ, ավտոերթեր ողջ հանրապետությունում, և համառ պայքարի շնորհիվ ի վերջո ապիկար ու դավաճան իշխանությունը հեռանալու է»։
