Մոսկվայում մի քանի օր տևած ձյան ուժեղ տեղումների արդյունքում ձյան շերտի բարձրությունը կազմել է 59 սմ, որն օդերևութաբանական ուսումնասիրությունների ընթացքում արձանագրված երկրորդ ամենաբարձր արդյունքն է: Ինչպես հայտնում է РИА Новости-ն՝ Մոսկվայում և Մերձմոսկվայում ձյան առատ տեղումներ են գրանցվել ուրբաթ և շաբաթ օրերին: Շաբաթ առավոտյան արդեն իսկ գրանցվել էր տեղումների մեկամսյա նորմայի 60 տոկոսը: Մոսկվայում ձյան ծածկույթի բարձրությունը հասել է 59 սմ-ի, մարզում՝ մինչև 72 սմ, որը նորմայից մեկուկես անգամ ավելի է: