ԱՄՆ-ն ընդմիշտ հրաժարվել է ճանաչել Ղրիմը որպես ռուսական եւ չեղարկել պատժամիջոցները
ԱՄՆ-ի նոր վարչակազմը հրաժարվել է չեղարկել Ռուսաստանի նկատմամբ պատժամիջոցները, որոնք սահմանվել են Ուկրաինայի իրադարձությունների պատճառով, եւ Ղրիմը ճանաչել ՌԴ տարածք: Այս մասին հայտարարել Է ՄԱԿ-ում ամերիկյան առաքելության ներկայացուցիչ Ռոդնի Հանթերը, փոխանցում է ՏԱՍՍ-ը։
«Մենք երբեք չենք ճանաչի՝ Ղրիմը բռնակցելու Ռուսաստանի փորձը։ Արդյունքում ԱՄՆ — ի պատժամիջոցները Ռուսաստանի նկատմամբ ուժի մեջ կմնան այնքան ժամանակ, քանի դեռ Մոսկվան չի վերանայել իր ուղին», - ընդգծել է նա։
Նա նաեւ մեղադրել Է Մոսկվային այն բանում, որ նրա զինված ուժերն իբր ներկա են Ուկրաինայում, եւ խոստացել է շարունակել աջակցել Կիեւին: «ԱՄՆ-ն մտադիր է այսուհետ եւս աջակցել ուկրաինացի գործընկերներին՝ երկրի տարածքային ամբողջականության վերականգնման իրենց ջանքերում», - հավելել է Հանթերը:
