Հայկ Մարությանն արձագանքեց իր հրաժարականի մասին լուրերին

Երևանի ավագանու ԲՀԿ խմբակցության անդամ Մարկոս Հարությունյանն ավագանու նիստում քաղաքապետ Հայկ Մարությանին խնդրեց մեկնաբանել նրա հրաժարականի և Չեխիայում ՀՀ դեսպան նշանակվելու մասին մամուլում տարածված լուրերը: 

«Նախ ասեմ՝ հրաժարական չեմ տալու: Ունեմ տված խոստումներ ժողովրդին, որոնք հերթով կատարելով գնում եմ, և քանի դեռ բոլոր խոստումները կատարված չեն, ես այստեղ եմ և կատարում եմ դրանք՝ ձեզ հետ միասին»,- ասաց Մարությանը: 

Նա անդրադարձավ նաև դեսպան նշանակվելու մասին լուրերին. «Չեխիայից առաջ ԱՄՆ-ում դեսպան էի, հիմա էլ պատրաստվում եմ Ճապոնիայում նշանակվել... Գիտեք՝ ամենասարսափելին այդ դեսպանների վիճակն է, որոնք կարդում են այդ լուրերը... Ճապոնիայի մասով կատակ էր»,- նշեց Երևանի քաղաքապետը: