ՏԵՍԱՆՅՈՒԹ. Ադրբեջանցի զինվորականները, GPS-ը գրկած, Սյունիքը ոնց ուզում ձևում են. պատգամավոր
Ինչ-որ մեկը կարո՞ղ է ասել, թե ինչու Հայաստանում ռազմական դրությունը չի հանվում: Ի վերջո Ադրբեջանն ինչ ուզում անում է, ադրբեջանցի զինվորականները, GPS-ը գրկած, Սյունիքը ոնց ուզում ձևում են: Այս մասին խորհրդարանում հայտարարությունների ժամին հայտարարեց Նաիրա Զոհրաբյանը:
«Գնացեք Ներքին Խնձորեսկ: Ոնց ուզում, քանի մետր, կիլոմետր ուզում, գալիս են: Նույնն էլ Կապանի հարակից բնակավայրերում:
Ինչու է պահպանվում ռազմական դրությունը, երբ իշխանությունները ռազմագերիների, անհետ կորածների խնդրով զբաղվում են գալչկաների համար»,-ասաց նա:
Զոհրաբյանը նաև ասաց, որ անհետ կորածներից մի քանիսի ծնողները գնացել են Իրան ու հետաքրքրվել իրենց որդիների մասին, քանի որ հավատացել են խոսակցություններին, թե զինվորներ են անցել Իրանի սահմանը:
Պատգամավորն ասաց, որ այս թեմայով խոսել է նաև Իրանում ՀՀ դեսպանի հետ, քանի որ իրեն խնդրել են ծնողները. «Բոլորս այս իշխանությունների փոխարեն կատարում ենք իրենց պարտականությունները»:
