Վահան Բադասյանի խափանման միջոցի վերաբերյալ որոշումը կհրապարակվի այսօր
Երևանի ընդհանուր իրավասության դատարանը՝ դատավոր Մանվել Շահվերդյանի նախագահությամբ, հեռացել է խորհրդակցական սենյակ՝ ԱՀ ԱԺ նախկին պատգամավոր, ազատամարտիկ Վահան Բադասյանի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդության վերաբերյալ որոշում կայացնելու։ Այս մասին հայտնել է փաստաբան Արայիկ Պապիկյանը։
Դատարանի որոշումը կհրապարակվի այսօր՝ ժամը 23։30֊ին։
Հիշեցնենք՝ երեկ ԱԱԾ-ն բերման է ենթարկել, ապա ձերբակալել Վահան Բադասյանին՝ Եռաբլուր զինվորական պանթեոնում հնչեցրած հայտարարությունների համար։ Նա հայտարարել է, որ Նիկոլ Փաշինյանը կործանել է բանակը և նրան պետք է հեռացնեն ոչ միայն որպես պարտության խորհրդանիշ, այլև թշնամի․ «Հեռացնելու տարբեր ճանապարհներ կան ընդհուպ ֆիզիկապես հեռացնելը։ Դա ենթադրում է, որ թշնամուն պետք է վերացնենք, թեկուզ զենքի ուժով»,-ասել է Վահան Բադասյանը։
