Եթե ՌԴ-ի ուժը չի պատում, մենք պետք է օգնենք. Հովհաննես Իգիթյան

«Այստեղ հարցն այն չէ, թե Հայաստանի պաշտոնյաներն ինչ պետք է անեն, ինձ թվում է ՌԴ-ն այստեղ մեծ դերակատարություն պետք է ունենա, քանի որ թե հնարավորություններով, թե Արցախում գտնվող խաղաղապահ ուժերի առկայությամբ, ինձ թվում է, որ ՌԴ-ն կարող է ավելի խիստ լինել, քանի որ հայտարարության տակ ՌԴ-ի ստորագրությունը զուտ ստորագրություն չէ, այլ նաև որոշ պարտավորություն»,-ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Հովհաննես Իգիթյանը։

 

Լրագրողների այն դիտարկմանը, թե ինչու է Ադրբեջանը ձգձգում և լիարժեք չի կատարում հայտարարության 8-րդ կետը, Իգիթյանը նշեց. «Այստեղ մի քանի կարծիք կարող է լինել։ Բացի հայերի հանդեպ դրսևորած այն քաղաքականությունից, որոնք ոնց որ թե չեն փոխվել Ադրբեջանում, նաև այն, որ Ադրբեջանը տեսավ, թե ինչ դժգոհություններ են առաջանում Հայաստանում և փորձում է այս հանգամանքն օգտագործել Հայաստանի ներքին քաղաքականության վրա ազդելու համար։ Եվ տեսնելով, որ ընդդիմադիրները ռազմագերիներին չվերադարձնելու ամբողջ մեղքը դնում են ՀՀ-ի պաշտոնյաների վրա, կարծում եմ՝ Ադրբեջանը փորձում է օգտագործել այս հանգամանքը»։

Իգիթյանը նշեց, որ եթե ՌԴ-ի ուժը չի պատում, մենք պետք է օգնենք Ռուսաստանին.«Ես գիտեմ, որ այդ ուղղությամբ աշխատում են Հայաստանի իշխանությունները»։

Քաղաքականություն

Պատահարներ