Անհետ կորածների ընտանիքներին ամսական 300 հազար դրամ աջակցություն կտրվի. Սոցապ նախարար
ԱԺ-Կառավարություն հարցուպատասխանի ժամանակ «Իմ քայլը» խմբակցության պատգամավոր Նազելի Բաղդասարյանն անդրադարձավ անհետ կորած անձանց ընտանիքներին տրամադրվող դրամական փոխհատուցումների հարցին:
«Կառավարության դեկտեմբերի 10-ի որոշմամբ ընդունվել է պատերազմի հետևանքների միջոցառումների շարքում ներառված ծրագիր, որը վերաբերում է անհետ կորած զինծառայողների ընտանիքներին սոցիալական երաշխիքներ տալուն։ Առավելագույնը 6 ամսի ժամկետով յուրաքանչյուր ամիս 300 հազար դրամ աջակցություն կտրամադրվի նրանց»,-ասաց Աշխատանքի և սոցիալական հարցերի նախարար Մեսրոպ Առաքելյանը։
