Նիկոլ Փաշինյանի վայրկյան առաջ հեռանալն օգտակար կլինի և՛ իր, և՛ Հայաստանի համար. Արա Աբրահամյան

Նիկոլ Փաշինյանի վայրկյան առաջ հեռանալն օգտակար կլինի և՛ իր, և՛ Հայաստանի համար: Այս մասին հայտարարել է Ռուսաստանում հայերի միության նախագահ Արա Աբրահամյանը:

Աբրահամյանի խոսքերով, պետք չէ սպասել, որ նա կարող է ինչ-որ բան անել, ինչ-որ բան փոխել:

Աբրահամյանը հիշեցրեց Նիկոլ Փաշինյանի շաբաթներ առաջ հրապարակած, այսպես կոչված, ճանապարհային քարտեզը՝ նշելով, որ այս ընթացքում որևէ բան չի փոխվել. «Մենք տեսնում ենք, թե ինչ իրավիճակում է այսօր գտնվում Արցախն ու ինչ է կատարվում Հայաստանում: Մեզ մոտ պետք է համակարգային մոտեցում լինի:

Մենք կարող ենք ուժեղ, բարգավաճող Հայաստան կառուցել, ուժեղ բանակ ստեղծել»,-ասաց նա՝ հավելելով, որ մարդիկ հենց այսօր օգնության կարիք ունեն, հարցերը հենց այսօր պետք է լուծվեն: