Արայիկ Հարությունյանը հայտարարություն է տարածել

Այսօր այցելել եմ Շուշի, հանդիպել քաղաքի պաշտպանների հետ, տեղում քննարկել թշնամու բազմաքանակ ուժերի դեմ մեր պայքարի ռազմավարությունը: Այս մասին գրառում է կատարել ԱՀ նախագահը: 

«Պրոֆեսիոնալ զինվորականների և կամավորականների համատեղ ջանքերով ստեղծված պաշտպանական ամրությունները և տղաների վճռականությունը հույս են ներշնչում, որ բերդաքաղաքն անառիկ պահելու համար գործադրվում են բոլոր հնարավոր ջանքերը:  

Շուշին իր հոգևոր և մշակութային արժեքներով ու ավանդույթներով, մեր ամենամեծ ժառանգություններից է, որ ստացել ենք պապերից և նույն հայկական ոգով պետք է փոխանցենք մեր սերունդներին: 

Հ.Գ. 

Հատուկ շնորհակալություն եմ հայտնում «Արցախի հերոս», հայ ժողովրդի նվիրյալ զավակ, գեներալ-գնդապետ Սեյրան Օհանյանին»,-գրել է նա: 

 

[46b1cc8f9fc5fd94188a658b9a49c8ed.jpg]

[b444af6291195b5137ad9b43a4b72cd7.jpg]

[7098d956379b9dfb18f4ef51dd12cd6d.jpg]

[a40a75c9bd7ce217e50dd16c9b243e21.jpg]