Ֆրանսիական Նիցցայում կնոջ են գլխատել. Մակրոնը մեկնել է դեպքի վայր
Ֆրանսիայի Նիցցա քաղաքում անհայտ անձը Նոտր-Դամ եկեղեցու դիմաց դանակով հարձակվել է մարդկանց վրա։ Նախնական տեղեկություններով՝ երեկեցու ներսում 2 մարդ է սպանվել: Ոճրագործը տաճարից դուրս եւս մեկ անձի է սպանել, կան վիրավորներ։
Հանցագործը գլխատել է թոշակառուի, իսկ մեկ այլ կնոջ կոկորդն է կտրել: Ֆրանսիայի նախագահ էմանուել Մակրոնը դեպքի վայր է ուղարկել Ներքին գործերի նախարարության աշխատակիցներին եւ ինքն էլ ժամանել է դեպքի վայր:
Հարձակվողին ձերբակալել են։ Նիցցայի քաղաքապետը չի բացառում, որ դա եղել է ահաբեկչություն. «Ես չգիտեմ, թե քանի ահաբեկչություն է անհրաժեշտ կառավարությանը, որպեսզի հասկանա, որ մեզ հարկավոր է օրենսդրություն ՝ մեր դեմ մղվող պատերազմին պատասխանելու համար»:
Նիցցայի քաղաքապետը կարգադրել է փակել քաղաքի բոլոր եկեղեցիները եկեղեցու անդամների վրա դանակով հարձակվելուց հետո: Ծայրահեղ-աջ Ազգային ճակատ կուսակցության առաջնորդ Մարին Լը Պենն այն արդեն անվանել է «պատերազմ»:
