Թրամփը հայտարարել է, որ «շատ լավ առաջընթաց» է գրանցվել ԼՂ հակամարտության հարցով բանակցություններում
ԱՄՆ նախագահ Դոնալդ Թրամփը լրագրողների հետ զրույցում հայտարարել է, որ «շատ լավ առաջընթաց» է գրանցվել Լեռնային Ղարաբաղի հակամարտության հարցով բանակցություններում:
«Մենք խոսում ենք այդ մասին, մենք խոսում ենք Հայաստանի հետ։ Մենք շատ լավ հարաբերություններ ունենք Հայաստանի հետ ։ Այնտեղ շատ լավ մարդիկ են ապրում։ Շատ նպատակասլաց, անհավանական մարդիկ են։ Տեսնենք, թե ինչ կլինի», – ասել է Թրամփը։
Հարցին, թե արդյոք շփվել է Հայաստանի կամ Ադրբեջանի առաջնորդների հետ, Թրամփը պատասխանել է. «Չեմ ուզում խոսել»:
Հիշեցնենք, որ Հայաստանի և Ադրբեջանի արտգործնախարարները այս պահին պաշտոնական այցով գտնվում են ԱՄՆ-ում:
