Եթե բռնությունը շարունակվի, պատրաստ ենք ճանաչելու Արցախի անկախությունը. Բրեդ Շերման

ԱՄՆ կոնգրեսական Բրեդ Շերմանն իր ֆեյսբուքյան էջում գրառում է կատարել՝ կարծիք հայտնելով, որ Ադրբեջանի ուղերձը հստակ է՝ բռնություն և ոչ բանակցություններ:

«Չորս շաբաթ է անցել, և Ադրբեջանը խախտել է հրադադարի երկու պայմանավորվածություններն ու շարունակում է արցախցիների անխտիր թիրախավորումը:

Ադրբեջանի ուղերձը հստակ է՝ բռնություն և ոչ բանակցություններ: ԱՄՆ-ը պետք է այլ ուղերձ հղի՝ եթե հարձակումը շարունակվի, մենք պատրաստ ենք ճանաչելու Արցախի Հանրապետության անկախությունը»,- գրել է Շերմանը:

Հիշեցնենք, որ Շերմանը հոկտեմբերի 11-ին մասնակցել էր հայերի բազմահազարանոց բողոքի ակցիային, որը տեղի էր ունեցել Լոս Անջելեսում՝ Թուրքիայի հյուպատոսության առջեւ: